FRANSA SAHİBKARLARININ NÜMAYƏNDƏ HEYƏTİ BAKIYA GƏLMİŞDİR
Azərbaycan-Fransa iqtisadi əməkdaşlığına dair ötən ilin dekabrında Parisdə bəyənilmiş plana əsasən, Fransa Sahibkarlar Federasiyasının \MEDEF\ vitse-prezidenti Kristian Monsun başçılığı ilə nümayəndə heyəti aprelin 16-da Bakıya gəlmişdir.
Fransanın 25 şirkətinin, o cümlədən “BMP-Pariba”, “Credi Agricol”, “Total”, “Reno” və digər şirkətlərin təmsilçilərindən ibarət nümayəndə heyəti Azərbaycanı hökumət dairələri və sahibkarları ilə görüşlər keçirəcəkdir. Görüşlərdə iqtisadi əlaqələrin genişləndirilməsi, ölkəmizin iqtisadiyyatına sərmayə qoyuluşunun artırılması məsələləri müzakirə ediləcəkdir.
Fransa səfirliyinin verdiyi məlumata görə, əsasən, biznesmenlərin mənafelərinin müdafiəsi və onların fəaliyyətinin əlaqələndirilməsi ilə məşğul olan MEDEF-ə Fransanın 85 sahibkarlar federasiyası daxildir.
Bölmənin digər xəbərləri
