FRANSADA QAZ VƏ ELEKTRİKİN QİYMƏTLƏRİ QALDIRILIR

24.10.2004 [18:05]
Çap et
A⁺ A^-

AZƏRTAC-ın xüsusi müxbiri xəbər verir ki, son zamanlar Fransada bir çox sahələrdə qiymətlərin qalxması müşahidə edilir. Gündəlik «Le Parizyən» qəzetində noyabr ayının 1-dən qaz və elektrikin qiymətlərinin 12-13 faiz qaldırılacağı barədə xəbər dərc olunmuşdur. Qiymətin qaldırılması birinci mərhələdə 7-9 , ikincidə isə 3-3,5 faiz təşkil edəcəkdir. Qaz və elektrik enerjisi qiymətlərinin qaldırılmasına səbəb kimi dünya bazarında neftin qiymətinin bahalaşması göstərilmişdir.

Xəbərdə daha sonra ölkədəki atom elektrik stansiyaların fəaliyyəti hesabına elektrikin qiymətinin cüzi miqdarda, cəmi 3 faiz qaldırılacağı bildirilmişdir.

Qaza gəldikdə isə onun qiymətinin tədricən qaldırılması nəzərdə tutulmuşdur. Üç il ərzində qazın qiymətinin 7,5 faiz bahalaşacağı barədə məlumat verilmiş xəbərdə öz əksini tapmışdır.

Xatırladaq ki, qazın qiyməti sonuncu dəfə 2000-ci ildə 13 faiz qaldırılmışdır.

FRANSADA QAZ VƏ ELEKTRİKİN QİYMƏTLƏRİ QALDIRILIR

MÜƏLLİFLƏ ƏLAQƏ

Bölmənin digər xəbərləri