Fransada respondentlərin əksəriyyəti baş nazirin istefasını dəstəkləyir
Bakı, 5 yanvar, AZƏRTAC
Fransa sakinlərinin əksəriyyəti baş nazir Elizabet Bornun istefasının tərəfdarıdır.
AZƏRTAC xəbər verir ki, bunu “Odoxa” sosioloji xidmətinin keçirdiyi sorğunun nəticələri göstərir.
"Fransızların 66 faizi Elizabet Bornun getməsinin tərəfdarıdır. Əvvəllər heç vaxt bu qədər çox vətəndaş onun istefasını istəməmişdi", - hesabatda qeyd edilir.
Həmçinin respondentlərin 68 faizi onun hökumət başçısı kimi fəaliyyətinin qeyri-qənaətbəxş olduğunu düşünür. Sorğuda iştirak edənlər hazırkı baş nazirin vətəndaşların problemlərinə biganə yanaşdığına inanır, həm də onu səriştəsiz və dialoqa hazır olmayan adlandırırlar.
Bölmənin digər xəbərləri
