İDMAN
“FUTBOL DÜNYASI” QƏZETİ TƏSİS EDİLMİŞDİR
AZƏRTAC xəbər verir ki, xalqımızın ümummilli lideri Heydər Əliyevin uzaqgörən siyasəti nəticəsində ölkəmizdə bütün sahələrlə yanaşı, idmanın, o cümlədən futbolun inkişafı üçün də məqsədyönlü tədbirlər həyata keçirilir. Prezident İlham Əliyevin “Azərbaycan Respublikasında 2005-2015-ci illərdə futbolun inkişafına dair Dövlət Proqramının təsdiq edilməsi haqqında“ 2005-ci il 10 oktyabr tarixli Sərəncamı buna hərtərəfli zəmin yaratmaqla, dövlət qayğısının durmadan artdığını da göstərir. Bununla əlaqədar, futbolun operativ təbliğ edildiyi və obyektiv analitik təhlil olunduğu nəşrə ehtiyac nəzərə alınaraq, “Futbol dünyası” qəzeti təsis edilmişdir.
Yeni nəşrin başlıca məqsədi oxucularla futbol dünyası arasında körpü yaratmaq, həyata keçirilən tədbirlər barədə müfəssəl məlumat vermək, qazanılan uğurları geniş ictimaiyyətə çatdırmaqdır. Qəzet həftənin II, IV və VI günləri çıxacaqdır.