Gələcək məktəb binasının bünövrəsi altındakı bomba zərərsizləşdirilib
Berlin, 12 iyun, AZƏRTAC
İyunun 11-də Almaniyanın Xemnits şəhərində tikinti işləri zamanı inşaatçılar zahiri görkəminə görə İkinci Dünya müharibəsi dövründən qalmış bombaya oxşar bir əşya aşkar ediblər.
AZƏRTAC xəbər verir ki, dərhal tikinti işləri dayandırılıb, hadisə yerinə polis və Fövqəladə Hallar Nazirliyinin müvafiq xidmətləri çağırılıb. Son məlumata görə, ekspertlər həmin əşyanı müayinə edirlər.
Dəhşətli əşyanın aşkar edildiyi ərazinin 1 kilometrlik radiusunda 11 məktəb, 22 uşaq bağçası və 19 qocalar evi yerləşir. Əgər ekspertlər həmin əşyanın bomba olduğunu təsdiq etsələr, bu halda şənbə günü səhər 1 kilometr radiusda olan 22 min sakin təxliyə ediləcək.
Ötən müharibənin təhlükəli irsinin məhz indi aşkar edilməsi əslində böyük xoşbəxtlikdir, çünki həmin yerdə yeni orta məktəb binası tikilir. Əgər bu əşya o binanın altında qalsaydı, gələcəkdə orada oxuyacaq uşaqların taleyi necə olardı?
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
