“GƏLMƏLƏR” KİTABI ERMƏNİLƏRİN GERÇƏK TARİXİNDƏN BƏHS EDİR
AZƏRTAC xəbər verir ki, Atamoğlan Məmmədlinin “Gəlmələr” kitabı çapdan çıxmışdır.
Kitabda erməni və digər xristian mənbələri əsasında erməni etnosunun formalaşması tarixindən, böyük dövlətlərin siyasətində əlaltı kimi ermənilərin oynadıqları mənfi roldan, zaman-zaman türklərə qarşı yeritdiyi düşmənçilik siyasətindən bəhs olunur.
Müəllif ermənilərin çar Rusiyasının əli ilə Şimali Azərbaycanda məskunlaşdırılması prosesini ardıcıllıqla izləyir, tarixi Azərbaycan torpaqlarına və Şərqi Anadolu əyalətlərinə yiyələnmək məqsədi ilə erməni hərbi birləşmələrinin həyata keçirdiyi soyqırımından tutarlı faktlarla söhbət açır. Kitabda erməni alimlərinin öz əsərlərindən götürülmüş faktlardan da geniş istifadə edilmişdir. Nəşrin elmi redaktoru tarix elmləri doktoru Sani Hacıyevdir.
Bölmənin digər xəbərləri
