Gənc vokalçı Emil Qədirov Rusiyada növbəti solo konsertini verəcək
Bakı, 25 avqust, AZƏRTAC
Moskvada yaşayan həmvətənimiz, gənc vokalçı və gitaraçı Emil Qədirov oktyabrın 20-də Rusiya Federasiyasının Tatarıstan Respublikasının Naberejnıye Çelnı şəhərində solo konsert proqramı ilə çıxış edəcək.
AZƏRTAC xəbər verir ki, bu barədə məlumat musiqiçinin saytında yer alıb.
Emil Qədirovun Kreml Sarayında, İttifaqlar Evinin sütunlu salonunda, Moskva Musiqi Evində, Mərkəzi Alimlər Evində, Xilaskar İsa Məbədində solo konsertləri keçirilib. O, Rusiya Televiziyasının Birinci kanalının “Qolos” layihəsinin dördüncü mövsümünün iştirakçısı olub. Bakıda keçirilən “Jara” Beynəlxalq Musiqi Festivalında iştirak edir. “Qradski Holl” teatrının solisti olan həmvətənimizin repertuarına dünya klassik operalarından ariyalar, müxtəlif ölkə bəstəkarlarının romansları və estrada mahnıları daxildir.
Bölmənin digər xəbərləri
