“GƏNCƏ” RET ÜZRƏ ÖDƏNİŞ 22 FAİZ ARTMIŞDIR
“Azərenerji” ASC-nin mətbuat xidmətindən AZƏRTAC-a bildirmişlər ki, Gəncə şəhər elektrik, Göygöl, Samux, Daşkəsən və Goranboy paylayıcı elektrik şəbəkələri tərəfindən həyata keçirilmiş məqsədyönlü tədbirlər nəticəsində cari ilin iyulunda ödəniş səviyyəsi yüksəlmişdir.
İyulda müəssisənin xidmət ərazilərində 63 milyon kilovatsaata yaxın elektrik enerjisi istehlak edilmiş, istehlak dəyərinin 2,9 milyon manatdan və yaxud da 82 faizdən çox hissəsinin ödənişi təmin edilmişdir.
Cari ilin yeddi ayında şəbəkə üzrə 494 milyon kilovatsaata yaxın elektrik enerjisi istehlak edilmişdir ki, bu da ötən ilin müvafiq dövrü ilə müqayisədə 20 milyon kilovatsaata yaxın azdır. Ödəniş isə 74 faizə yaxın olmuşdur.
Bölmənin digər xəbərləri
