GƏNCƏDƏ SOS UŞAQ KƏNDİNİN TƏMƏL DAŞI QOYULMUŞDUR
şəhərində SOS Uşaq Kəndinin təməl daşının qoyulması münasibətilə mərasim keçirilmişdir.
Mərasimi əmək və əhalinin sosial müdafiəsi nazirinin müavini, “SOS Uşaq Kəndləri-Azərbaycan” Assosiasiyasının vitse-prezidenti Tahir Budaqov açaraq kimsəsiz, atılmış uşaqların daim ölkə Prezidentinin diqqət mərkəzində olduğunu vurğulamış, onların layiqli vətəndaş kimi böyüməsi və təlim-tərbiyəsi üçün belə müəssisələrin sayının daha da artırılacağını bildirmişdir.
Əmək və əhalinin sosial müdafiəsi naziri Əli Nağıyev SOS layihəsinin ölkəmizə gətirilməsində Prezident Heydər Əliyevin şəxsi təşəbbüsünün və nüfuzunun xüsusi rol oynadığını bildirmiş, iki il öncə ölkə paytaxtının Xətai rayonu ərazisində ilk dəfə yaradılmış Bakı SOS Uşaq Kəndində kimsəsiz, atılmış uşaqların normal ailə mühitində tərbiyə edilməsi üçün səmərəli fəaliyyət göstərdiyini xatırlatmışdır.
SOS Kinderdorf İntənəşnl Təşkilatının MDB ölkələri üzrə əlaqələndiricisi Toni Rayner bu təşkilatın məqsəd və vəzifələrindən, indiyədək gördüyü işlərdən söhbət açmışdır.
Şəhər icra hakimiyyətinin başçısı Eyvaz Babayev, əlillər evinin direktoru Məryəm Qasımova və başqaları bu xeyirxah təşəbbüsə görə minnətdarlıqlarını bildirmişlər.
Axırda 2,5 hektar ərazini əhatə edəcək Gəncə SOS Uşaq Kəndinin rəmzi təməl daşı qoyulmuşdur.
Bölmənin digər xəbərləri
