GƏNCƏDƏ YAPONİYA HÖKUMƏTİNİN AYIRDIĞI QRANT HESABINA TƏMİR OLUNMUŞ XƏSTƏXƏNANIN AÇILIŞI OLACAQDIR
Yaponiyanın Azərbaycandakı səfirliyindən AZƏRTAC-a bildirmişlər ki, avqustun 20-də Gəncədə Kəlbəcər mərkəzi xəstəxanasının təmirinin başa çatması münasibətilə açılış mərasimi keçiriləcəkdir.
Xəstəxana Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində bərpa olunmuşdur. Layihənin ümumi dəyəri 85 min 998 ABŞ dollarıdır.
Yaponiya hökumətinin “Ot kökləri və insan təhlükəsizliyi qrant yardımı proqramı” Azərbaycanda 2000-ci idən həyata keçirilir.
Azərbaycan xalqının yaşayış standartlarının yaxşılaşdırılmasına yönəlmiş bu proqram bələdiyyələr, tibb və təhsil sahəsində müxtəlif layihələrin həyata keçirilməsini nəzərdə tutur.
Bölmənin digər xəbərləri
