GƏNCLƏR ARASINDA AVROPA BİRİNCİLİYİNDƏ AZƏRBAYCAN GÜLƏŞÇİLƏRİNİN İLK RƏQİBLƏRİ MÜƏYYƏN EDİLMİŞDİR
Bakı, 30 iyun (AZƏRTAC). İyunun 30-da Tbilisidə sərbəst güləş, yunan-Roma güləşi və qadın güləşi üzrə Avropa birinciliyi başlanmışdır. Yarışlarda 18 Azərbaycan idmançısı iştirak edir.
İlk olaraq yarışlara qızlar başlamışlar. Azərbaycanın idman şərəfini Arif Fərmanovun rəhbərliyi ilə Fatma Əhmədova (48 kiloqram), Nigar Əhmədova (51 kiloqram) və Günay İsmayılova (55 kiloqram) qoruyurlar. Azərbaycan güləşçilərinin ilk rəqibləri müəyyən edilmişdir. 48 kiloqram çəki dərəcəsində Fatma Əhmədova birinci dövrədə Türkiyə idmançısı Sumeya Sezer ilə görüşəcəkdir. Azərbaycan idmançısı qalib gələrsə, Cessika Blajka (Hollandiya)-Sara Karvonen (İsveç) görüşünün qalibi ilə yarışacaqdır.
Digər idmançımız Günay İsmayılova 55 kiloqram çəki dərəcəsində birinci dövrədə alman Sabina Axenbaxla yarışacaqdır. İdmançımız qalib gələrsə, Oliviya Heaqu (Rumıniya)-Anastasiya Qriqoryeva (Latviya) cütlüyünün qalibi ilə görüşəcəkdir.
Bölmənin digər xəbərləri
