Gənclər siyasəti üzrə I Qlobal Forum təcrübə mübadiləsi baxımından böyük əhəmiyyətə malikdir
Bakı, 28 oktyabr, AZƏRTACBakıda keçirilən Gənclər siyasəti üzrə I Qlobal Forum təcrübə mübadiləsi baxımından böyük əhəmiyyətə malikdir.
Bu sözləri forumun iştirakçısı, Səudiyyə Ərəbistanı İqtisadiyyat və Planlaşdırma Nazirliyinin Gənclər üzrə Milli Strategiyanın baş direktoru və İslam Həmrəyliyi İdman Assosasiyasının İslam Ölkələri Gənclər Şurasının rəhbəri Saleh A.Alnassar AZƏRTAC-a müsahibəsində deyib.
Ölkəmizə ilk səfərindən məmnun qaldığını söyləyən qonaq konfransın yüksək səviyyədə təşkil edildiyini və paytaxtımızın inkişafına valeh olduğunu bildirib.
Forumun əhəmiyyətindən danışan Saleh A.Alnassar deyib ki, burada dünyanın müxtəlif ölkələrindən 700-dən artıq nümayəndə iştirak edir. Nazirlərin, gənclər siyasəti sahəsində fəaliyyət göstərən məsul şəxslərin və beynəlxalq ekspertlərin iştirakı forumun əhəmiyyətini daha da artırır. “Dünyada gənclərin vəziyyətinin araşdırılması, onların peşə, mədəni və elmi sahələrdə uğurlarına yardım edən dövlət siyasətlərinin formalaşdırılması yollarını öyrənmək baxımından bu cür təcrübəli şəxsləri dinləmək böyük fürsətdir” -deyə Saleh A.Alnassar vurğulayıb.
Bölmənin digər xəbərləri
