GƏNCLƏRİN ÜMUMRESPUBLİKA FOTO-MÜSABİQƏ SƏRGİSİ KEÇİRİLMİŞDİR
Gənclərin IV Forumu çərçivəsində keçirilən tədbirdə 100-dən artıq gəncin münsiflər heyətinə təqdim olunan 430-dək işindən 300-ü seçilərək, sərgidə nümayiş etdirilir.
Açılış mərasimində gənclər, idman və turizm nazirinin müavini İntiqam Babayev, İqtisadiyyat Nazirliyinin əməkdaşı Elnur Rzayev çıxış edərək, tədbirin keçirilməsinin məqsəd və əhəmiyyətindən danışmışlar.
Qeyd olunmuşdur ki, müsabiqənin keçirilməsindən məqsəd dövlətimizin başçısının Azərbaycanda sosial-iqtisadi inkişafın sürətləndirilməsi tədbirləri haqqında məlum Fərmanından irəli gələn vəzifələrin yerinə yetirilməsi istiqamətində əldə olunan nailiyyətləri təbliğ etmək, eləcə də yaradıcı gənclər üçün yeni stimullar yaratmaqdır.
Əlaqədar dövlət qurumları, yaradıcılıq təşkilatları nümayəndələrinin iştirakı ilə keçirilən müsabiqədə münsiflər heyəti qaliblərin adlarını elan etmişdir. Şamil Talıbov (Bakı) birinci, Murad Səlimov (Quba) ikinci, Əqidəs Bağırzadə (Bakı) üçüncü mükafata layiq görülmüşlər.
Qaliblərə pul mükafatı və diplom, digər iştirakçılara isə həvəsləndirici hədiyyələr təqdim olunmuşdur.
Bölmənin digər xəbərləri
