Goranboy rayonunda karantin qaydalarının pozulduğu iki toy məclisi aşkarlanıb
Bakı, 16 noyabr, AZƏRTAC
Goranboy Rayon Polis Şöbəsinin əməkdaşları inzibati ərazilərində xidmət aparan zaman, rayonun Tapqaraqoyunlu kəndində və Qızılhacılı qəsəbəsində karantin qaydalarının pozularaq toy məclisi keçirilməsini aşkarlayıblar.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildirilib ki, araşdırmalar zamanı hər iki ünvanda ev sahiblərinin 150 nəfərdən çox qonaq çağırmaqla övladına toy mərasimi təşkil etdiyi məlum olub.
Polis əməkdaşları iştirakçılarla profilaktiki söhbətlər apararaq karantin qaydalarını xatırladıb və mərasim təşkilatçıları barədə inzibati protokol tərtib edib.
Bölmənin digər xəbərləri
