Güclü külək təbii qaz təsərrüfatına ziyan vurub
Bakı, 15 aprel, AZƏRTAC
Aprelin 15-də gecə saatlarında Sabunçu rayonunun Ramana qəsəbəsində güclü küləyin təsirindən vətəndaşa məxsus fərdi yaşayış evinin hasarı aşıb. Hasar aşarkən ərazidən keçən 57 millimetr diametrində olan qaz xəttinin 30 metrlik hissəsini zədələyərək dirəklərdən yerə salıb.
“Azəriqaz” İstehsalat Birliyindən AZƏRTAC-a bildirilib ki, təhlükəsizlik tədbirləri olaraq aprelin 25-dək evin qaz təchizatı müvəqqəti dayandırılıb. Hazırda ərazidə bərpa işləri aparılır.
Qeyd edək ki, hasarı aşan evdə hazırda yaşayış yoxdur.
Bölmənin digər xəbərləri
