Bakı, 4 oktyabr, AZƏRTAC

Güclü təsir edən maddələr və onların külli miqdarının, habelə zəhərli maddələrin siyahısında dəyişiklik edilir.

AZƏRTAC xəbər verir ki, bu məsələ Milli Məclisin növbəti plenar iclasında müzakirəyə çıxarılacaq “Güclü təsir edən maddələr və onların külli miqdarının, habelə zəhərli maddələrin siyahılarının təsdiq edilməsi haqqında” qanun layihəsində öz əksini tapıb.

Birinci oxunuşda təqdim olunan sənədə əsasən, narkotik vasitələrə və ya psixotrop maddələrə aid olmayan güclü təsir edən maddələri satış məqsədilə qanunsuz hazırlama, emal etmə, əldə etmə, saxlama, daşıma və ya göndərmə əməllərini həyata keçirənlər cinayət məsuliyyətinə cəlb olunacaqlar.

Qeyd edək ki, siyahıda 1-testosteron (17β-hidroksi-5α-androst-1-en-3-on), 19- norandrostenediol, Androstanolon, Benaktizin (amizil), Boldenon, Fluoksimesteron, Tropikamid N-etil-3-hidroksi-2-fenil-N (piridin-4-il-metil) propanamid, trenbolon və digər maddələrin adları yer alıb.