Gürcüstan ABŞ ilə birgə hərbi təlimlərə hazırlaşır
Tbilisi, 12 iyun, AZƏRTAC
Gürcüstan Silahlı Qüvvələri ABŞ ilə birlikdə hərbi təlimlərə hazırlaşır. “Layiqli tərəfdaş -2020” adlı ilk birgə təlimin bu ilin sentyabrında keçirilməsi nəzərdə tutulur.
AZƏRTAC xəbər verir ki, bunu Gürcüstanın Müdafiə naziri İrakli Qaribaşvili parlamentdəki çıxışında söyləyib.
O bildirib ki, hərbi təlim beynəlxalq statusa malik olduğu üçün burada NATO-nun digər üzvləri də iştirak edəcəklər. Gürcü hərbçilərin müxtəlif təlimlərdə iştirakı silahlı qüvvələrimin bölmələrinin hazırlığının yüksək olduğunu və NATO-nun tələblərinə uyğun formalaşdığını sübut edir. Bizim tərəfdaşlarla ikitərəfli və çoxtərəfli formatlardakı əməkdaşlığımız müdafiə qüvvələrinin gücləndirilməsi və NATO standartlarına uyğunluğun yüksəldilməsi məqsədi daşıyır.
İ.Qaribaşvili Gürcüstan ordusunun bugünkü hazırlıq səviyyəsinin çox yüksək olduğunu vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
