GÜRCÜSTAN PARLAMENTİNİN FÖVQƏLADƏ İCLASI QAPALI KEÇİRİLMİŞDİR
AZƏRTAC-ın xüsusi müxbiri xəbər verir ki, avqustun 13-də Gürcüstan parlamentinin növbəti fövqəladə iclası qapalı keçirilmişdir. Qapalı keçən iclasda “Gürcüstanın ilhaq olunmuş əraziləri barədə” qanun layihəsinin müzakirə edildiyi bildirilir. Layihəni parlamentin sədri David Bakradzenin təşəbbüsü ilə yaradılmış interfraksiya qrupu hazırlamışdır. Qrupa parlamentin hüquq məsələləri komitəsinin sədri Pavle Kublaşvili rəhbərlik edir.
Xatırladaq ki, hazırda Rusiya hərbçilərinin yerləşdiyi bütün ərazilər Gürcüstanın ilhaq edilmiş ərazisi hesab olunur.
Bölmənin digər xəbərləri
