Gürcüstan Silahlı Qüvvələrinin Əfqanıstandakı daha 10 hərbçisi koronavirusa yoluxub
Tbilisi, 17 iyul, AZƏRTAC
Gürcüstanın Əfqanıstandakı sülhməramlı qüvvələrin tərkibində xidmət edən daha 10 hərbi qulluqçusunda koronavirus aşkarlanıb.
AZƏRTAC xəbər verir ki, bu barədə Gürcüstanın Müdafiə Nazirliyi məlumat yayıb.
Bildirilir ki, ümumilikdə Gürcüstanın Əfqanıstandakı hərbçilərindən 38 nəfərdə koronavirus aşkarlanıb.
NATO-nun Əfqanıstandakı hərbi rəhbərliyinin qərarı ilə gürcü hərbçilər iki mərhələdə Gürcüstana gətiriliblər. Onlardan 28 nəfəri iyulun 10-da, qalan 10 nəfəri isə bu gün Almaniya Hərbi Hava Qüvvələrinin təyyarəsi ilə Tbilisiyə gətirilib.
Hərbçilərin vəziyyəti normal qiymətləndirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
