Gürcüstanda hava nəqliyyatı ilə sərnişindaşımalar azalıb
Tbilisi, 10 fevral, AZƏRTAC
Yanvar ayında Gürcüstanın hava limanları ilə sərnişindaşımalarda azalma qeydə alınıb.
AZƏRTAC xəbər verir ki, bu barədə Gürcüstanın Birləşmiş Hava Limanları Birliyi məlumat yayıb. Bildirilir ki, ötən ay Gürcüstan hava limanlarında 314 min 79 sərnişinə xidmət göstərilib. Bu da illik müqayisədə 3 faiz azdır.
Yanvarda Tbilisi hava limanından başqa, bütün beynəlxalq və yerli aeroportlardan istifadə edən sərnişinlərin sayı artıb. Hesabat ayında Tbilisi beynəlxalq aeroportunda 211 min 590 sərnişinə xidmət göstərilib ki, bu da ötən ilin eyni dövrü ilə müqayisədə 16 faiz azdır.
Qeyd olunub ki, azalmaya əsasən 2019-cu il iyulun 8-dən Rusiyanın Gürcüstanla birbaşa aviauçuşları dayandırması və koronavirusa görə Gürcüstanın Çinə uçuşları qadağan etməsi səbəb olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
