Gürcüstanda koronavirusa yoluxmada son üç ayda yeni antirekord qeydə alınıb

03.11.2021 [15:51]
Çap et
A⁺ A^-

Tbilisi, 3 noyabr, AZƏRTAC

Gürcüstanda koronavirusa yoluxmada son üç ayda yeni antirekord qeydə alınıb. Son sutkada ölkədə daha 6024 nəfər koronavirusa yoluxub, 3 818 nəfər müalicə olunaraq sağalıb, 49 pasiyent isə pandemiyanın qurbanı olub.

AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.

Bildirilib ki, bununla da ölkədə koronavirusa yoluxanların ümumi sayı 732 965-ə, sağalanların sayı 673 640-a, bu virusdan ölənlərin sayı isə 10 185-ə çatıb.

Qeyd edək ki, Gürcüstanda insanların koronavirusa qarşı peyvənd olunması prosesi də zəifləyib. Son sutkada ölkədə cəmi 3868 nəfər koronavirusa qaşı vaksinasiya olub.

Gürcüstanda peyvəndləmə prosesinin başladığı ilk gündən bu günədək 1 986 729 nəfər vaksin qəbul edib.

Xətayi Əzizov

AZƏRTAC-ın xüsusi müxbiri

Tbilisi