Gürcüstandakı Azərbaycan teatrı ötən il 10 tamaşa hazırlayıb
Tbilisi, 12 iyun, AZƏRTAC
Gürcüstanda fəaliyyət göstərən Heydər Əliyev adına Tbilisi Dövlət Peşəkar Azərbaycan Dram Teatrının kollektivi 2025-ci ildə 10 tamaşa hazırlayıb. Bunlardan ikisi yeni tamaşa olub və ilk dəfə nümayiş etdirilib.
Bu sözləri AZƏRTAC-a müsahibəsində teatrın direktoru Turqay Vəlizadə deyib.
Direktor bildirib ki, kollektiv əsasən Azərbaycan, Gürcüstan və Türkiyə dramaturqlarının əsərlərinin motivləri əsasında tamaşalar hazırlayıblar.
“Kollektiv keçən il bir dəfə Türkiyədə, 5 dəfə isə Gürcüstanın bölgələrində qastrol səfərlərində olub. Onun sözlərinə görə, tamaşaların azlığı əsasən teatr binasında əlverişsiz şəraitlə bağlıdır: “Hazırda Tbilisinin mərkəzində Heydər Əliyev adına Tbilisi Dövlət Peşəkar Azərbaycan Dram Teatrının yeni binasının tikintisi gedir. Bina istifadəyə verildikdən sonra daha çox tamaşalar hazırlanacaq” – deyə, direktor bildirib.
Gürcüstan Milli Statistika Xidmətinin məlumatına görə, 2025-ci ildə Gürcüstanda 53 peşəkar teatr fəaliyyət göstərib. Teatrların əksəriyyəti, yəni 54,7 faizi Tbilisidə, 13,2 faizi İmeretidə, qalan 32,1 faizi isə digər bölgələrdə fəaliyyət göstərib.
Bölmənin digər xəbərləri
