Gürcüstanın Baş naziri və Ermənistanın daxili işlər naziri regional təhlükəsizlik məsələlərini müzakirə ediblər
Tbilisi, 21 iyul, AZƏRTAC
Gürcüstanın Baş naziri İrakli Kobaxidze bu ölkədə səfərdə olan Ermənistanın daxili işlər naziri Arpine Sarkisyan ilə görüşüb.
AZƏRTAC xəbər verir ki, bu barədə Gürcüstan hökuməti administrasiyası məlumat yayıb.
Bildirilib ki, görüş zamanı Cənubi Qafqazda sülh və sabitlik məsələləri müzakirə edilib. Azərbaycan və Ermənistan arasında sülh sazişinin bağlanması istiqamətində aparılan danışıqların yekun mərhələyə çatması yüksək dəyərləndirilib. Tərəflər sənədin yaxın vaxtlarda imzalanacağına ümidvar olduqlarını bildiriblər.
Baş nazir Kobaxidze Gürcüstan hökumətinin regionda davamlı sülhün və sabitliyin təmin edilməsi, eləcə də, Bakı ilə İrəvan arasında dialoqun təşviqinə bundan sonra da dəstək verməyə hazır olduğunu vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
