Haaqada çıxan “ADgezet” qəzetində Xocalı faciəsindən bəhs edən material dərc olunmuşdur
Bakı, 25 fevral (AZƏRTAC). Haaqada (Niderland) Xocalı faciəsinə həsr edilmiş silsilə tədbirlər davam edir.
Niderlanddakı “Ana Vətən” Azərbaycanlı Qadınlar Birliyinin sədri Maisə Ağamirzəyeva AZƏRTAC-a bildirmişdir ki, bu ölkədə ən populyar qəzetlərdən biri olan “ADgezet” nəşrində Xocalı faciəsi haqqında məqalə dərc olunmuşdur.
Məqalədə bu faciə haqqında ətraflı məlumat verilir. Qeyd edilir ki, Haaqanın mərkəzi parklarından birində Xocalı faciəsinin qurbanlarına ucaldılmış monumentin yanında anma mərasimi keçirilmişdir.
Məqalə Niderlanddakı “Ana Vətən” Azərbaycanlı Qadınlar Birliyinin, “Hollandiya-Azərbaycan-Türkiyə” Mədəniyyət Mərkəzinin, Hollandiyanın Azərbaycanlı Gənclər Cəmiyyətinin, habelə Azərbaycanın dostu, hollandiyalı Gert van Dammın birgə səyləri sayəsində dərc edilmişdir.
Bölmənin digər xəbərləri
