HAMBURQ LİMANINDA 3 MİN TON VƏBALI ƏT MƏHSULU TUTULMUŞDUR

25.10.2004 [01:54]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniya gömrük xidməti işçiləri və qaçaqmalçılığa qarşı mübarizə aparan federal sərhəd mühafizə polisi Hamburq limanında lövbər salmış gəmidə axtarış əməliyyatı apararkən dəhşətli cinayətin üstünü açmışlar. Onlar Hindistandan Rusiyaya göndərilən 45 konteynerdə qablaşdırılmış 3 min ton əmtəə - hazırda vəba, dabaq xəstəliyinə görə ümumdünya ixracına qadağa qoyulmuş Hindistan mal-qarasının ət məhsulunu aşkar etmişlər.

Hadisə yerinə dəvət olunmuş Avropa Komissiyasının ekoloq və ekspertlərinin yerindəcə apardığı laborator-bioloji analiz nəticəsində 3 min ton ətin bütövlükdə ekoloji cəhətdən yararsız və vəbalı olduğu təsdiq edilmişdir.

Həmçinin müəyyən olunmuşdur ki, gəmiyə yüklənmiş və Rusiyaya ünvanlanan konteynerlərin üzərinə vurulmuş qida sağlamlığı etiketləri və sertifikatları da saxtalaşdırılmışdır.

HAMBURQ LİMANINDA 3 MİN TON VƏBALI ƏT MƏHSULU TUTULMUŞDUR

MÜƏLLİFLƏ ƏLAQƏ

Bölmənin digər xəbərləri