Hande Harmancı: ÜST üçün tibb bacılığının peşəkarlığı əhəmiyyətlidir
Bakı, 12 may, AZƏRTAC
Ümumdünya Səhiyyə Təşkilatı (ÜST) üçün mamalıq və tibb bacılığı peşəkarlığı son dərəcə əhəmiyyətlidir. Odur ki, tibb kolleclərinin fəaliyyətinə böyük önəm verilir. Azərbaycanda 11 tibb kollecindəki tədrisi daha da təkmilləşdirmək üçün onlarla birlikdə çalışırıq.
AZƏRTAC xəbər verir ki, bunu jurnalistlərə müsahibəsində ÜST-nin Azərbaycandakı nümayəndəsi və ölkə ofisinin rəhbəri Hande Harmancı deyib.
"Məlum olduğu kimi, COVID-19-la əlaqəli pandemiya yaşadıq. Xəstəliklə bağlı fövqəladə vəziyyət ləğv edilsə də, koronavirus hələ də davam edir. Pandemiya dövründə tibb bacılarının nə qədər böyük fədakarlıqla fəaliyyət göstərdiklərinə bələd olduq. Bütün dünyada tibb bacıları səhiyyə xidmətlərinin böyük bir hissəsini təşkil edir və ən ön sıralarda insanların sağlamlığı üçün çalışırlar. Ümid edirəm ki, ÜST-lə birgə fəaliyyət nəticəsində Azərbaycanda tibb bacısı ixtisasında daha böyük inkişafa nail olacağıq", - deyə H.Harmancı qeyd edib.
Bölmənin digər xəbərləri
