HƏMVƏTƏNİ İNGİLİS DİLİNDƏ DANIŞDIĞINA GÖRƏ JAK ŞIRAK ZALI TƏRK ETMİŞDİR

24.03.2006 [17:04]
Çap et
A⁺ A^-

AZƏRTAC-ın xüsusi müxbiri Frans Press Agentliyinə istinadən xəbər verir ki, Fransa Prezidenti Jak Şirak Avropa İttifaqının üzvü olan 25 ölkənin başçılarının iştirakı ilə enerji probleminə həsr olunmuş yığıncaqda həmvətəni, Avropa Sahibkarlar Birliyinin prezidenti fransız Ernest-Antuan Selyerin çıxışını ingilis dilində başlamasına etiraz əlaməti olaraq zalı tərk etmişdir.

Fransanın maliyyə və iqtisadiyyat, xarici işlər nazirləri də Jak Şirakla birlikdə zaldan çıxmışlar.

Selyer bu məsələyə aydınlıq gətirərək, ingilis dilinin iş adamlarının danışıq dili olduğunu bildirmişdir.

Jak Şirak E.A.Selyer çıxışını bitirdikdən sonra zala qayıtmışdır. Xatırladaq ki, Avropa İttifaqının iş prosesində ingilis, fransız və alman dillərindən istifadə olunur. Birlikdə qəbul edilmiş qaydaya görə hər bir natiq çıxışını öz doğma dilində etməlidir.

HƏMVƏTƏNİ İNGİLİS DİLİNDƏ DANIŞDIĞINA GÖRƏ JAK ŞIRAK ZALI TƏRK ETMİŞDİR

MÜƏLLİFLƏ ƏLAQƏ

Bölmənin digər xəbərləri