Hər bir torpaq tipinin elektrokardioqrammasını təyin etmək olar
Bakı 10 may, AZƏRTAC
AMEA akademik Həsən Əliyev adına Coğrafiya İnstitutunun növbəti onlayn iclası keçirilib.
İnstitutdan AZƏRTAC-a bildirilib ki, Pirqulu Coğrafi Tədqiqatlar Stasionarının müdiri, aqrar elmlər doktoru Çingiz Gülalıyev “Torpaqların istilik-elektrik, hidrofiziki xassələri və onların praktik əhəmiyyəti” mövzusunda məruzə ilə çıxış edib.
O bildirib ki, elektrofiziki üsuldan istifadə edərək müasir GİS texnologiyaları vasitəsilə ekspress monitorinq aparmaqla ərazinin rəqəmsal elektron xəritəsini yaratmaq mümkündür. Torpaqların genezisinin müəyyənləşdirilməsi baxımından elektrik üsulundan istifadə etməklə hər bir torpağın elektrik kardioqramı yaradıla bilər. Bu, torpaqşünaslıqda torpaq tiplərinin dəqiqləşdirilməsində ən yaxşı vasitədir.
Alim torpaq səthinə düşən Günəş enerjisinin paylanma mexanizminin dəqiqləşdirilməsində və kənd təsərrüfatı bitkilərinin rayonlaşdırılmasında torpaq temperatur rejimini formalaşdıran istilik keçirmə, istilik tutumu, istilik mənimsəmə xassələrinin öyrənilməsinin vacibliyini diqqətə çatdırıb.
Bölmənin digər xəbərləri
