Hərbi Dəniz Qüvvələrində növbəti buraxılış mərasimi keçirilib
Bakı, 31 avqust, AZƏRTAC
Avqustun 31-də Hərbi Dəniz Qüvvələrində müddətdən artıq həqiqi hərbi xidmət hərbi qulluqçularının növbəti buraxılış mərasimi keçirilib.
Müdafiə Nazirliyinin mətbuat xidmətindən AZƏRTAC-a bildiriblər ki, mərasimdə dövlət himninin səsləndirilməsindən sonra ümummilli lider Heydər Əliyevin və Azərbaycanın ərazi bütövlüyü uğrunda həlak olan şəhidlərimizin xatirəsi bir dəqiqəlik sükutla yad edilib.
Buraxılış mərasimində Hərbi Dəniz Qüvvələri komandanının vəzifələrini icra edən 1-ci dərəcəli kapitan Hicran Rüstəmzadə kursantları təbrik edib və onlara gələcək xidmətlərində uğurlar arzulayıb.
Bölmənin digər xəbərləri
