Hesablama Palatasının kollegiya iclası keçirilib
Bakı, 7 iyul, AZƏRTAC
Hesablama Palatasının sədri Vüqar Gülməmmədovun rəhbərliyi ilə kollegiya iclası keçirilib.
Palatadan AZƏRTAC-a bildirilib ki, iclasda Hesablama Palatasının 2021-2025-ci illər üzrə Strateji Planının 2022-ci ilin 6 ayı ərzində icra vəziyyəti, 2022-ci il üzrə İş planında nəzərdə tutulmuş metodiki sənədlərin icra vəziyyəti barədə bir sıra müzakirələr aparılıb.
Həmçinin “Azərbaycan Respublikası Hesablama Palatasının fəaliyyəti barədə məlumatların hazırlanması və kütləvi informasiya vasitələrində yayılması Qaydaları” müzakirə olunaraq müvafiq qərar qəbul edilib və Dövlət Gömrük Komitəsinin “Azərterminalkompleks” Birliyi üzrə dövlət vəsaitlərinin və əmlakının idarə olunmasının auditinə dair kənar dövlət maliyyə nəzarəti tədbiri ilə bağlı hüquq-mühafizə orqanlarının müraciəti əsasında auditə başlanılması qərara alınıb.
Bölmənin digər xəbərləri
