Hindistan WUF13-də ev kreditləri sahəsində təcrübəsini dünya ilə bölüşmək istəyir
Bakı, 18 may, AZƏRTAC
WUF13-dən gözləntilərimiz daha sadə, sürətli və sərfəli mənzil həllərini əldə etməkdir.
Bu sözləri AZƏRTAC-a açıqlamasında Hindistanın "Vastu Housing Finance" şirkətinin baş biznes meneceri Satış Nair deyib.
"Şirkətimiz Hindistanda fəaliyyət göstərir, və biz münasib qiymətə ev kreditləri təklif edirik. WUF13-də iştirak etməyimizin əsas məqsədi öz müasir texnologiyalarımızı və ev kreditləri sahəsində təcrübəmizi dünya ilə bölüşməkdir. Bildiyiniz kimi, Hindistanın sərfəli mənzil həllərinə ehtiyacı var. Çünki ölkənin əhalisi təxminən 1,47 milyard nəfərdir. Yüksək texnologiyadan istifadə edərək biz 10 dəqiqə ərzində çoxlu sayda müştəriyə xidmət edə bilərik. Hindistanda müştərimizin sayı 1,5 milyon nəfərə bərabərdir", - deyə S.Nair qeyd edib.
Bölmənin digər xəbərləri
