HİNDLİLƏR MƏŞHUR QULDURUN SƏRVƏTİNİ AXTARIRLAR

23.10.2004 [16:43]
Çap et
A⁺ A^-

AZƏRTAC-ın xəbər verdiyi kimi, Hindistanda 20 il axtarışda olan məşhur quldur Virapan polisin keçirdiyi əməliyyat nəticəsində öldürülmüşdür. Tamil və Karnataka ştatlarının polisi yerli əhaliyə quldur dəstəsinin gizləndiyi cəngəlliklərdən uzaq olmaq barədə xəbərdarlıq etmişdir.

Yerli hakimiyyət orqanları bildirmişlər ki, quldurun dəfnindən sonra əhali onun qarət yolu ilə yığıb gizlətdiyi varidatın axtarışına çıxmışdır.

Fərziyyəyə görə, o, brakonyerliklə, qaçaqmalçılıqla, səndəl ağacı və fil sümüyü alverindən əldə etdiyi yüz milyonlarla rupini, habelə oğurladığı tanınmış şəxslərdən canbahası kimi qopardığı pulları meşədəki gizlənc yerlərində və yuvalarda saxlayırmış.

Virapan 2000-ci ildə hind kinosunun ulduzu Rac Kumarı girov götürmüşdü. Polisin məlumatına görə, onun təhlükəsiz yolla azad olunması üçün quldurlara 300 milyon rupi (6,5 milyon dollar) məbləğində girov pulu verilmişdi.

Karnataka ştatı polis başçısının sözlərinə görə, xəzinə ovçularına nəzarət edilir. Onların tapdığı hər şey dövlətin xeyrinə müsadirə olunacaqdır. Lakin çoxları hesab edir ki, 6 min kvadratmetr sahəni tutan meşədə nə isə tapmaq çox çətindir.

HİNDLİLƏR MƏŞHUR QULDURUN SƏRVƏTİNİ AXTARIRLAR

MÜƏLLİFLƏ ƏLAQƏ

Bölmənin digər xəbərləri