HİROSİMA BOMBARDMANININ ƏCNƏBİ QURBANLARINA PENSİYALARINI YAŞADIQLARI YERDƏ ALMAĞA İCAZƏ VERİLMİŞDİR

08.10.2005 [20:45]
Çap et
A⁺ A^-

Yaponiya hökuməti elan etmişdir ki, 1945-ci ildə Hirosima və Naqasakinin atom bombardmanı qurbanlarının kompensasiyalar almaq şərtlərini dəyişdirəcəkdir. AZƏRTAC Bi-Bi-Si-yə istinadla xəbər verir ki, dəyişikliklər ölkənin hüdudlarından kənarda yaşayanlara aiddir – indi bu adamlar onlara düşən ödənişləri almaq üçün Yaponiyaya getməli olmayacaqlar.

2001-ci ildə hökumətin qəbul etdiyi qərara görə, atom bombardmanının Yaponiyadan kənarda yaşayan qurbanlarının kompensasiya almaq hüququ var. Buraya aylıq məvacib, pulsuz tibbi xidmət və dəfn xərcləri daxildir. Lakin hökumət təkid edirdi ki, güzəştlər düşən adamlar onları almaq üçün Yaponiyaya gəlməlidirlər. Bu qərar, ilk növbədə, müharibə illərində Yaponiya zavodlarında işləmiş koreyalılara aid idi.

Lakin bombardman qurbanlarının əksəriyyəti hazırda ahıl yaşdadır və onların xaricə getmək halı yoxdur. “Asahi Simbun” qəzetinin məlumatına görə, bombardmanın təxminən üç min qurbanı hazırda Yaponiyanın hüdudlarından kənarda yaşayır. Onların təqribən 1300 nəfəri indiyədək yardım almır.

HİROSİMA BOMBARDMANININ ƏCNƏBİ QURBANLARINA PENSİYALARINI YAŞADIQLARI YERDƏ ALMAĞA İCAZƏ VERİLMİŞDİR

MÜƏLLİFLƏ ƏLAQƏ

Bölmənin digər xəbərləri