“Hyundai sonata”nın aşması iki nəfərin həyatına son qoymuşdur
Bakı, 23 oktyabr (AZƏRTAC). Bakıda iki nəfərin ölümünə, üç nəfərin isə xəsarət almasına səbəb olan yol-nəqliyyat hadisəsi baş vermişdir.
Bu barədə AZƏRTAC-a Bakı Şəhər Baş Polis İdarəsinin mətbuat xidmətindən məlumat vermişlər.
Hadisə oktyabrın 23-də paytaxtın Mətbuat prospektində baş vermişdir. Bakı şəhər sakini Pərviz Məmmədov idarə etdiyi “Hyundai sonata” markalı avtomobili yol kənarındakı ağaca çırparaq aşırmışdır. Nəticədə avtomobildə olan sərnişinlərdən Mircəlal Mövsümov və Nəsimi Məmmədov hadisə yerində ölmüşlər. Sürücü və digər sərnişinlər Ramil Babayev, Azər İlyasov bədən xəsarətləri ilə xəstəxanaya çatdırılmışlar.
Faktla bağlı cinayət işi açılmışdır, araşdırma aparılır.
Bölmənin digər xəbərləri
