IAAF RUSİYANIN YÜNGÜL ATLETLƏRİNİ İLYARIM İZLƏMİŞDİR
AZƏRTAC xəbər verir ki, Beynəlxalq Yüngül Atletika Federasiyaları Assosiasiyası (IAAF) Rusiyanın 7 yüngül atleti barəsində təhqiqatın nəticələrinin nə üçün Olimpiya oyunlarına bir neçə gün qalmış elan edildiyinin səbəbini açıqlamışdır.
IAAF-ın İcraiyyə Komitəsinin iclasında bildirilmişdir ki, bu işdə Rusiyanın aparıcı yüngül atletlərinin çoxunun adları hallanmışdır. Araşdırma zamanı onların barəsində şübhələr təsdiqlənməmişdir.
1,5 il davam edən araşdırmanın nəticələri Olimpiadaya bir həftə qalmış elan edilmişdir. Nəticədə Rusiyanın 7 idmançısı analiz şüşələrini dəyişdirməkdə təqsirli bilinmişdir. IAAF rəhbərliyinin fikrincə, onlar özlərinə aid olmayan analizləri imzalamışlar.
Beş idmançı Olimpiadada iştirakdan kənarlaşdırılmışdır. Rusiya yığmasının rəhbərliyi onları başqa idmançılarla əvəz edə bilmişdir.
Rusiya Yüngül Atletika Federasiyası bütün yarışlardan müvəqqəti kənarlaşdırılmış yeddi idmançı barəsində sentyabrın 30-dək qərar qəbul edib, onları ya yarışlarda iştirakdan məhrum etməli, ya da idmançılara bəraət verməlidir.
Bölmənin digər xəbərləri
