İBRAHİM RUQOVA YANVARIN 26-DA DƏFN EDİLƏCƏKDİR
Prezident yanvarın 26-da dəfn ediləcəkdir. Yanvarın 25-də BMT-də Kosovonun gələcək statusu ilə bağlı danışıqlar başlanmalı idi. Ruqova əyalətin müstəqilliyinə nail olacağına ümid bəsləyirdi. İndi bu danışıqlar təxirə salınmışdır.
Kosovo qanunlarına görə, prezident vəzifələrini parlamentin sədri Necat Daçi yerinə yetirəcəkdir. Üç ay ərzində parlament yeni prezident seçəcəkdir.
Müşahidəçilər ehtiyat edirlər ki, özündən sonra varis qoymamış Ruqovanın ölümü Albaniya partiyaları arasında gərgin mübarizəyə səbəb olacaqdır.
Hazırda əyalətdə ən populyar siyasətçi keçmiş səhra komandiri Ramuş Həradinaydır. O, əvvəllər Kosovonun Baş naziri olmuşdur. Lakin Həradinay hərbi cinayətlərdə təqsirli bilinir və tezliklə Haaqa tribunalında onun məhkəməsi başlanacaqdır.
Serbiya və Çernoqoriya mətbuatının yazdığına görə, İsveçrədə yaşayan albaniyalı iş adamı və dünyada ən varlı alban Becet Pakolli prezidentliyə namizədliyini irəli sürəcəkdir. Pakolli əmindir ki, əyalətin müstəqilliyinə nail olacaqdır.
Bölmənin digər xəbərləri
