İÇƏRİŞƏHƏRİN TARİXİ ABİDƏLƏRİNİN İNVENTARLAŞDIRILMASINA HƏSR OLUNMUŞ TƏDBİR KEÇİRİLMİŞDİR

03.11.2006 [20:59]
Çap et
A⁺ A^-

AZƏRTAC xəbər verir ki, noyabrın 3-də Azərbaycan Memarlıq və İnşaat Universitetinin (AzMİU) və ABŞ-ın Minnesota Universitetinin birgə təşkilatçılığı ilə “Dünya irsi abidəsi Bakı İçərişəhərinin tarixi tikililərinin inventarlaşdırılması” layihəsinə həsr olunmuş tədbir keçirilmişdir.

Layihənin rəhbəri, Minnesota universitetinin professoru Artur Çen, layihənin Azərbaycan üzrə əlaqələndiricisi, AzMİU-nun dosenti Səbinə Hacıyeva, digər natiqlər sənədin əhəmiyyəti və onunla bağlı ğörülən işlər barədə məlumat vermişlər.

Qeyd olunmuşdur ki, layihə YUNESKO-nun dəstəyi ilə AzMİU və Minnesota Universiteti kollektivləri tərəfindən həyata keçirilir.

Azərbaycanda İçərişəhərin genişmiqyaslı tədqiqatı ilə məşğul ola biləcək menecment-planlar və sair tərtib edəcək təşkilat yaradılmışdır. 2005-ci ilin dekabrından başlayaraq 2006-cı ilin noyabrında tamamlanmalı olan layihə üzrə görülən işlər Bakıda İçərişəhər üçün əsas üstünlük təşkil edən YUNESKO-nun “inteqrallaşmış inventarlaşma və kart inkişafı və menecment planı” tövsiyələrinə cavab verir.

Layihənin yekun nəticələri İçərişəhərin menecment planının tərtibi zamanı istifadə üçün Mədəniyyət və Turizm Nazirliyinə təqdim olunacaqdır.