İdarəetmə Sistemləri İnstitutunda Lütfi Zadənin 100 illiyinə həsr olunan tədbir
Bakı, 4 fevral, AZƏRTAC
İdarəetmə Sistemləri İnstitutunun Gənc Alim və Mütəxəssislər Şurasının təşkilatçılığı ilə dünya şöhrətli alim Lütfi Zadənin anadan olmasının 100 illiyinə həsr edilən onlayn seminar keçirilib.
İnstitutdan AZƏRTAC-a bildirilib ki, onlayn tədbirdə azərbaycanlı alimin elmin inkişafına töhfələrindən danışılıb. Qeyd edilib ki, Azərbaycan Prezidentinin 2011-ci il 4 fevral tarixli Sərəncamına əsasən “Elm və texnologiyaların inkişafına verdiyi töhfələr və mədəniyyətlərarası dialoqun qurulmasında göstərdiyi xidmətlərinə görə” Lütfi Zadə “Dostluq” ordeni ilə təltif olunub. Həmin ildən başlayaraq Lütfi Zadə elminə həsr olunan konfranslar keçirilib.
Onlayn seminarda Lütfi Zadənin qeyri-səlis çoxluqlar və qeyri-səlis məntiq nəzəriyyəsinin son nəticələri və gələcək inkişaf istiqaməti vurğulanıb.
Bildirilib ki, alim fundamental nəzəriyyələri ilə elm tarixində ciddi dəyişikliklərə yol açıb. Bu nəzəriyyələr müxtəlif elm sahələrinin, xüsusilə də süni intellekt sahəsində tədqiqatların inkişafına təkan verib.
Tədbirdə, həmçinin Soft Computing texnologiyası mövzusunda təqdimat edilib, 5 laylı neyron şəbəkələr modeli haqqında ətraflı məlumat verilib.
Seminarda Lütfi Zadə irsi, süni intellekt və Data science mövzuları ətrafında çıxışlar dinlənilib.
Bölmənin digər xəbərləri
