İlhamə Qədimova: İqlim məlumatlarının inteqrasiyası fermerlərə riskləri əvvəlcədən qiymətləndirməyə imkan verir
Bakı, 15 iyul, AZƏRTAC
Azərbaycanda müxtəlif iqlim stansiyalarından əldə olunan məlumatların vahid platformada birləşdirilməsi kənd təsərrüfatında risklərin daha dəqiq qiymətləndirilməsinə şərait yaradır.
AZƏRTAC xəbər verir ki, bunu kənd təsərrüfatı nazirinin müavini İlhamə Qədimova deyib.
İlhamə Qədimova bildirib ki, Ekologiya və Təbii Sərvətlər Nazirliyi, özəl sektor və Kənd Təsərrüfatı Nazirliyinin iqlim stansiyalarından əldə olunan məlumatlar inteqrasiya olunur. Bundan əlavə, son 20 ilin iqlim məlumatları da təhlillərə cəlb edilir.
İ.Qədimovanın sözlərinə görə, bu yanaşma torpaq və iqlim amillərini birlikdə qiymətləndirməyə, su ehtiyatlarının daha səmərəli idarə olunmasına və fermerlərə düzgün qərar qəbul etmək üçün analitik məlumat təqdim etməyə imkan verir.
Bölmənin digər xəbərləri
