İlhamə Qədimova: Süni intellekt fermerlərə hansı bitkinin harada əkilməsini müəyyən etməyə kömək edir
Bakı, 15 iyul, AZƏRTAC
Azərbaycanda tətbiq olunan süni intellektəsaslı həllər fermerlərə əkin üçün ən uyğun bitki seçimini etməyə kömək edir.
AZƏRTAC xəbər verir ki, bunu kənd təsərrüfatı nazirinin müavini İlhamə Qədimova “Rəqəmsal arxitektura: Proqram idarəetməsi və nəticəəsaslı yanaşma” mövzusunda keçirilən dəyirmi masada səsləndirib.
İlhamə Qədimova qeyd edib ki, ölkə üzrə bitki xəritələri hazırlanır, regional ixtisaslaşma müəyyən edilir və əkin strukturunun daha düzgün planlaşdırılması üçün rəqəmsal alətlərdən istifadə olunur.
Nazir müavini qeyd edib ki, fermer sistemə əkmək istədiyi bitki barədə məlumat daxil etdikdə, süni intellekt həmin ərazinin iqlim xüsusiyyətlərini, bitkinin bütün vegetasiya dövrünü və mümkün riskləri təhlil edərək nəticələri təqdim edir. Bu isə fermerə daha əsaslandırılmış qərar qəbul etməyə imkan verir.
Bölmənin digər xəbərləri
