İmişlidə əsas kapitala yönəldilən investisiyanın 83,8 faizini tikinti-quraşdırma işləri təşkil edib
İmişli, 14 fevral, Aydın Yavərzadə, AZƏRTAC
Ötən il İmişlidə bütün maliyyə mənbələrindən əsas kapitala 66 milyon 41 min manat investisiya yönəldilib ki, bu da 2021-ci ildəkindən 26 milyon 556,5 min manat, yəni 67,3 faiz çoxdur.
İmişli Rayon Statistika İdarəsindən AZƏRTAC-ın bölgə müxbirinə verilən məlumata görə, əsas kapitala yönəldilmiş investisiyanın 54 milyon 622,9 min manatı və ya 82,7 faizi dövlət, 11 milyon 418,1 min manatı və ya 17,3 faizi qeyri-dövlət mülkiyyətinə aid olub.
Əsas kapitala yönəldilmiş investisiyanın 55 milyon 353,7 min manatını (83,8 faizini) tikinti-quraşdırma işləri təşkil edib. Bu göstərici 2021-ci illə müqayisədə 24641,1 min manat və ya 1,8 dəfə artıb.
Podratçı təşkilatlar tərəfindən, 2022-ci ildə 34695,6 min manatlıq tikinti-quraşdırma işləri görülüb.
Bölmənin digər xəbərləri
