İnformasiya cəmiyyətində insan resurslarının intellektual idarə olunmasının elmi-metodoloji əsasları işlənilir
Bakı, 6 aprel, AZƏRTAC
İnformasiya Texnologiyaları İnstitutunun nəzdindəki Dissertasiya şurasının “Sistemli analiz, idarəetmə və informasiyanın işlənməsi” ixtisası üzrə elmi seminarın onlayn iclası keçirilib.
İnstitutdan AZƏRTAC-a bildirilib ki, tədbir texnika elmləri doktoru elmi dərəcəsi almaq üçün Zərifə Cəbrayılovanın “İnformasiya cəmiyyəti şəraitində insan resurslarının intellektual idarə olunmasının elmi-metodoloji əsaslarının işlənməsi” mövzusunda dissertasiya işinin müzakirəsinə həsr olunub.
Tədbirdə texnika üzrə fəlsəfə doktoru, dosent Z.Cəbrayılova dissertasiya işinin aktuallığı, qarşıya qoyulmuş məsələlər və onların həlli yolları haqqında məlumat verib, əldə edilmiş yenilikləri və onların praktiki əhəmiyyətini, nəşr olunmuş elmi əsərlərin siyahısını diqqətə çatdırıb.
Texnika elmləri doktorları Asif Rzayev, Fərhad Paşayev və texnika üzrə fəlsəfə doktoru, dosent Məkrufə Hacırəhimova dissertasiya işinə dair rəyləri nəzərə çatdırıblar, iddiaçıya irad və təkliflərini bildiriblər.
Bölmənin digər xəbərləri
