“İNGİLİS DİLİNİN XARİCİ DİL KİMİ TƏDRİSİNİN PERSPEKTİVLƏRİ” MÖVZUSUNDA BEYNƏLXALQ KONFRANS KEÇİRİLMİŞDİR
ABŞ-ın və digər ölkələrin tanınmış mütəxəssislərinin, təhsil işçilərinin və xarici dövlətlərin respublikamızdakı diplomatik korpusu nümayəndələrinin iştirak etdiyi konfransda universitetin rektoru, Milli Məclisin deputatı, professor Səməd Seyidov rəhbərlik etdiyi ali məktəbin fəaliyyəti haqqında məlumat vermiş, konfransın əhəmiyyətini nəzərə çarpdırmışdır. Bildirmişdir ki, tədbirin keçirilməsindən məqsəd respublikamızda ingilis dilinin xarici dil kimi tədrisini daha da yaxşılaşdırmaq, ən müasir metodları tətbiq etmək, ali məktəblər arasında təcrübə mübadiləsini həyata keçirməkdir.
ABŞ–ın Nyu–York Dövlət Universitetinin professoru Henri Stekin və başqalarının məruzələri dinlənilmişdir.
Tədbirdə “Şifahi nitq vərdişlərinin inkişaf etdirilməsi”, “Mədəniyyət və dil” və digər mövzularda müzakirələr də aparılmışdır.
Sonra ADU ilə Nyu-York Universitetinin Kotlənt kolleci arasında tələbə mübadiləsinə dair müqavilə imzalanmışdır.
Bölmənin digər xəbərləri
