İngiltərənin Bristol şəhərində antiirqçi yürüş zamanı götürülən heykəl yenisi ilə əvəzlənib
London, 16 iyul, AZƏRTAC
İngiltərənin Bristol şəhərində, antiirqçi yürüş zamanı götürülən heykəl yenisi ilə əvəzlənib.
AZƏRTAC xəbər verir ki, yeni qoyulan heykəl “Qara talelər dəyərlidir” aksiyalarında iştirakçı olan Ceyn Ridindir. Səhər saatlarında yerləşdirilən heykəllə bağlı rayon bələdiyyəsindən açıqlama verilməyib.
Heykəltəraş Mark Kuinn aksiya zamanı çəkilən Ceyn Ridin şəkillərindən çox təsirləndiyini və “Gücün dalğası” adlandırdığı heykəlin müvəqqəti qoyulduğunu açıqlayıb.
Xatırladaq ki, ötən ay keçirilən “Qara talelər dəyərlidir” aksiyaları zamanı 17-ci əsrdə qul ticarəti ilə məşğul olan Edvard Kolstonun tuncdan olan heykəli etirazçılar tərəfindən endirilərək çaya atılmışdı.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
