“İNTERAKTİV ELM LAYİHƏSİ”NİN BİRİNCİ MƏRHƏLƏSİ BAŞA ÇATMIŞDIR
AZƏRTAC xəbər verir ki, Böyük Britaniyanın British Council təşkilatının Azərbaycan Respublikasının Təhsil Nazirliyi və digər müvafiq qurumlarla birlikdə bp şirkətinin dəstəyi ilə həyata keçirdiyi “İnteraktiv elm layihəsi”nin birinci mərhələsi başa çatmışdır.
Sentyabrın 5-də bu münasibətlə “İrşad” hotelində keçirilən tədbirdə British Council təşkilatının Azərbaycan üzrə direktoru Nikol de Laluvyer və Təhsil Nazirliyinin şöbə müdiri Fərzəli Qədirov çıxış edərək, layihə üzrə keçirilən seminarların əhəmiyyətini vurğulamışlar.
Ölkəmizin ayrı-ayrı şəhər və rayonlarının orta məktəblərində və pedaqoji kadrlar hazırlayan ali təhsil müəssisələrində çalışan müəllimlərin iştirak etdikləri seminarlarda müasir təlim metodları, təbiət fənlərinin tədrisi, milli kurrikulumun təhsildə tətbiqi və digər mövzular üzrə ətraflı məlumatlar verilmiş, geniş təcrübə və fikir mübadiləsi aparılmışdır.
Seminarlarda iştirak edən müəllimlərə sertifikatlar verilmişdir.
Bölmənin digər xəbərləri
