İQTİSADİ İNKİŞAF NAZİRLİYİNİN M Ə L U M A T I
2002-ci ilin ötən dövrü ərzində Nazirliyin Sahibkarlığın İnkişafı və Dövlət Əmlakının İdarə Edilməsi Departamenti tərəfindən sahibkarlığın hüquqi bazasının təkmilləşdirilməsi istiqamətində xeyli iş görülmüşdür. Belə ki, departament kiçik və orta sahibkarlığın inkişafını sürətləndirmək məqsədi ilə bu sahəyə dövlət köməyinin əsas istiqamətlərini müəyyənləşdirən “Azərbaycan Respublikasında kiçik və orta sahibkarlığın inkişafı üzrə Dövlət Proqramı”nın, “Lizinq fəaliyyəti haqqında”, “Hüquqi şəxslərin dövlət qeydiyyatı haqqında” qanunların layihələrini, “Azərbaycan Respublikası İqtisadi İnkişaf Nazirliyi yanında İxracata Yardım Fondunun Əsasnaməsi”nin müvafiq nazirliklər tərəfindən verilmiş irad və təkliflər nəzərə alınmaqla yeni variantını hazırlamışdır.
Departamentin müvafiq qurumları tərəfindən 2002-ci ildə ölkə ərazisində ticarət, xidmət və ictimai-iaşə sahəsində fəaliyyət göstərən 836 ticarət, 141 ictimai-iaşə, 105 məişət obyektinə xidmət və dərəcə sertifikatları verilmişdir.
Bu müddət ərzində idxal və ixrac əməliyyatları üzrə bağlanmış 227 müqavilə qeydə alınmış, sahibkarlıq fəaliyyəti növləri və idxal əməliyyatları üçün 126 lisenziya verilmiş, dövlət büdcəsinə 120 milyon manatdan çox vəsait köçürülmüşdür.
Bölmənin digər xəbərləri
