İraq-Türkiyə boru kəməri ilə neftin verilməsi bərpa olunub
Ankara, 27 sentyabr, AZƏRTAC
Sentyabrın 27-də səhər saatlarında İraq-Türkiyə boru kəməri ilə xam neft axmağa başlayıb.
AZƏRTAC xəbər verir ki, bu barədə Türkiyənin enerji və təbii sərvətlər naziri Alparslan Bayraktar sosial şəbəkədə məlumat verib.
Energetika naziri qeyd edib ki, xam neftin verilməsi şənbə günü yerli vaxtla saat 07:07-də bərpa olunub.
Bayraktar xatırladıb ki, İraq-Türkiyə boru kəmərinin işi 2023-cü il fevralın 6-da baş verən dağıdıcı zəlzələlərdən sonra dayandırılıb.
Bununla belə, Türkiyənin BOTAŞ dövlət şirkəti artıq 2023-cü il oktyabrın 4-də əməliyyat işlərini başa çatdıraraq boru kəmərini istismara hazır vəziyyətə salıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
