İŞĞAL ALTINDAKI ƏRAZİLƏRDƏ GİZLİ HƏBSXANALARIN OLMASI ATƏT SƏDRİNİN DİQQƏTİNƏ ÇATDIRILMIŞDIR
Görüş barədə məlumat verən N.Bəhmənov bildirmişdir ki, Ermənistan-Azərbaycan, Dağlıq Qarabağ münaqişəsi haqqında faktlar qonağın diqqətinə çatdırılmışdır. O, indiyədək problemin həll edilməməsindən narahatlığını bildirmişdir.
İcma rəhbəri ATƏT-in faktaraşdırıcı missiyasının Azərbaycanın işğal olunmuş ərazilərində ermənilərin qeyri-qanuni məskunlaşdırılmasına dair hazırladığı məruzədən sonra konkret addımlar atılmamasından təəssüfləndiyini bildirdmiş, ATƏT sədrini bununla bağlı lazımi tədbirlər görməyə çağırmışdır.
Heydər Əliyev Fondunun hazırladığı “Qarabağ həqiqətləri” toplusunun nümunələrinin ATƏT sədrinə təqdim olunduğunu söyləyən N.Bəhmənov, görüşdə Dağlıq Qarabağın azərbaycanlı icmasını narahat edən məsələlərin qonağın diqqətinə çatdırıldığını demişdir. Karel de Quxta işğal altındakı nəzarət edilməyən Azərbaycan torpaqlarında gizli həbsxanaların mövcudluğu, habelə narkotik bitkilərin becərilməsi və həmin ərazilərdən narkotik maddələrin qeyri-qanuni tranziti kimi istifadə edilməsi barədə məlumat verilmişdir. Bütün bunların narahatlıq doğuran məsələlər olduğunu vurğulayan N.Bəhmənov, beynəlxalq ictimaiyyəti münaqişənin həllində daha fəal rol oynamağa çağırmışdır.
Bölmənin digər xəbərləri
