İspaniya La Liqası: 178-ci “El klassiko”
Bakı, 2 mart, AZƏRTAC
Martın 2-də İspaniya La Liqasının 26-cı turuna start veriləcək.
AZƏRTAC xəbər verir ki, La Liqanın ən maraqlı qarşılaşması “Real Madrid”-“Barselona” oyunu olacaq. “Santiaqo Bernabeu” stadionunda oynanılacaq “El klassiko” Bakı vaxtı ilə saat 23:45-də başlayacaq.
Hazırda aktivində 57 xal olan “Barselona” turnir cədvəlinin vahid lideridir. Madridlilər isə 48 xalla üçüncü yerdə qərarlaşıblar. “Barselona”nın çempionatdakı ən yaxın izləyicisi “Atletiko Madrid”in 50 xalı var.
Bu, La Liqada 178-ci “El klassiko” olacaq. İndiyədək keçirilən görüşlərin 72-də “Real Madrid”, 71-də isə “Barselona” qalib gəlib. Otuz dörd oyun heç-heçə başa çatıb.
Bölmənin digər xəbərləri
