İspaniya mətbuatı “Atletiko”–“Qarabağ” qarşılaşması ərəfəsində Azərbaycan çempionundan yazır
Madrid, 31 oktyabr, AZƏRTAC
Çempionlar Liqası çərçivəsində oynanılacaq “Atletiko Madrid”-“Qarabağ” oyunu ərəfəsində İspaniyanın Vavel.com portalı Azərbaycan klubu haqqında analitik məqalə dərc edib.
AZƏRTAC xəbər verir ki, “Azərbaycanın qüruru olan “Qarabağ” Futbol Klubunun analizi” sərlövhəli məqalədə müəllif Pablo Mata Medina “Qarabağ” klubunun tarixi haqqında geniş məlumat verir, komandamızın son illərdəki uğurlarından yazır.
“Qarabağ” klubuna “Azersun” şirkətinin maliyyə dəstəyini də qeyd edən müəllif klubumuzun heyətindəki əcnəbi oyunçular haqqında məlumat verir. İspaniyalı Miçel və Dani Kintana, albaniyalı Ansi Aqolli, norveçli Tarik Əl Yunusi kimi futbolçuların potensiallarının yüksək qiymətləndirildiyi məqalədə baş məşqçi Qurban Qurbanovun uğurlu məşqçiliyindən xüsusi söhbət açılır.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
